Motor salpok sa pickup: Technician patay
CAVITE, Philippines — Isang 52-anyos na technician ang nasawi makaraang tumilapon at mapuruhan ang ulo nang sumalpok ang kanilang sinasakyan sa isang Strada pickup truck habang kapwa bumabagtas sa Daanghari road, Pasong Buaya 1 intersection, Imus City.
Dead-on-the-spot ang biktima na nakilalang si Eduardo Guinto Tabotabo, 52, may asawa, technician residente ng Brgy. Malagasang 2-A Imus City.
Sa imbestigasyon ni PSSg John Carlo C Punzalan, may hawak ng kaso, alas 4 ng hapon nang maganap ang insidente sa kahabaan ng Daang hari road, Pasong Buaya 1 intersection, Imus City, kung saan minamaneho ni Wrien Edson Bagonghasa Madrinan, 21-anyos, estudyante, residente ng Laguna ang Mitsubishi Strada Pick-up na may plate no. ZSN 702.
Nag-menor umano ito saka umaasa mapapabagsak niya.. upang lumiko pakaliwa papasok ng gasolinahan subalit dito na tuloy-tuloy na sumalpok ang kasunod nitong Honda ANF motorcycle na may plate no. 9708PS , minamaneho ng namatay na biktima.
Sa lakas ng pagkakasalpok, tumilapon ang biktima at lumagapak sa kalsada una ang kanyang ulo sanhi ng agaran nitong pagkamatay.
Nahaharap sa kasong reckless imprudence resulting in homicide and damage to property ang estudyanteng driver.
- Latest