Family driver pinutulan ng ari ng selosong amo
MANILA, Philippines — Namatay noon din ang isang family driver matapos hatawin sa ulo at putulan pa ng ari ng among lalaki, kamakalawa ng gabi sa Davao City.
Kinilala ang nasa-wing biktima na si Danilo Aranzo, 51, residente ng Sitio Sto. Niño, Tugbok District, Davao City.
Arestado at naka-kulong sa Tugbok Police Station ang suspek na kinilalang si Alexander Taglucop, 51-anyos, ng Brgy. Tacunan, Tugbok District ng nasabing lungsod.
Batay sa imbestigasyon ng pulisya, nagdududa umano ang suspek sa biktima at sa misis nito na pinaghihinilaan niya na may lihim umanong relasyon ang dalawa dahil magkasama sila sa Araw ng mga Puso.
Sa galit ng suspek, inabangan niya ang pagdating ng biktima at kanyang misis sa kanilang bahay at pagbaba ng sasakyan ni Aranzo ay agad niya itong hinataw sa ulo ng matigas na bagay at pagkatapos ay ginapos ang mga kamay at paa saka hinubaran ng pantalon at pinutulan ng ari na agad nitong ikinamatay.
Mabilis naman ru-mesponde ang mga pulis sa bahay ng suspek na nagresulta sa agaran nitong pagkadakip at nakuha sa bahay ng huli ang isang brick at kutsilyo na ginamit sa krimen.Nahaharap ngayon sa kasong murder si Taglucop.
- Latest