P1.2 milyon sa ‘online sabong’ tinangay ng teller
TIWI, Albay, Philippines — Kalaboso at nahaharap sa kasong qualified theft ang isang teller matapos umanong ibulsa ang nasa 1.2 milyong piso mula sa kaha ng pinagta-trabahuhang Online Cockfighting Betting Station (OCBS) sa Purok 1A, Brgy. Tigbi ng bayang ito, kamakalawa ng gabi.
Agad namang naaresto ng mga pulis ang suspek na kinilalang si Martin Francis Bobiles Pacis, 27-anyos, teller ng naturang betting station.
Sa ulat, dakong alas-11:20 ng gabi, tumawag ang supervisor ng nasabing OCBS na si John Brofus sa may-ari ng naturang online sabong na si Wenifredo Carillo Gloria Jr., hinggil sa pagkawala ng malaking pera sa kanilang drawer.
Lumalabas na tinangay umano ni Pacis ang naturang pera at saka biglang nawala.
Mabilis namang nakaresponde ang mga pulis at naaresto ang suspek.
- Latest
