Abra solon, nagpositibo muli sa COVID-19
MANILA, Philippines — Sa ikalawang pagkakataon, nagpositibo muli sa COVID 19 si Lone District Abra Rep. Joseph Sto. Niño Blando “JB” Bernos.
Ito ang kinumpirma kahapon ni Bernos sa isang press statement kung saan kasalukuyan na itong sumasailalim sa home quarantine.
“I would like to inform the public that I have, once again, tested positive for COVID-19. I have been fully vaccinated with a booster shot and exhibited mild symptoms of the disease,” pahayag ni Bernos.
Sinabi ni Bernos na inabisuhan siya ng mga doktor na sumailalim sa home quarantine kung saan nag-isolate na siya habang negatibo naman sa virus ang kanyang pamilya.
Noong Marso 2021 ay una nang nagpositibo si Bernos sa COVID-19 na kanyang nalagpasan at gumaling.— Artemio A. Dumlao
- Latest