2 drug pusher utas sa buy-bust
MANILA, Philippines — Kapwa nasawi ang dalawang drug pusher matapos na umano’y manlaban sa mga pulis sa isang buy-bust operation kamakalawa ng gabi sa Brgy. San Vicente Ogbon, Nabua, Camarines Sur.
Kinilala ang dalawang napatay na suspek na sina Romeo Esmella Sotto, residente ng Brgy. La Purisima na dati nang naaresto dahil sa droga at Rustom Melartis Ocampo, residente ng Brgy. San Juan Pangaraon, na sumuko noon sa Oplan Tokhang.
Sa ulat, alas-10:38 ng gabi nang kumagat ang dalawa sa buy bust operation na inilatag ng Nabua Municipal Police, gayunman, nang magkaabutan ng droga at sumenyas ang posuer buyer ay sabay na bumunot ng baril ang mga suspek, pero inunahan na silang paputukan ng mga pulis.
Nakuha mula sa suspek ang shabu na nagkakahalaga ng 73-libong piso, boodle na buy bust money, dalawang kalibre 9mm at mga bala.
- Latest
