Lalaki na sangkot sa droga, itinumba

CAMP VICENTE LIM, Laguna, Philippines — Isang lalaki na umano‘y sangkot sa illegal drug activities ang binaril at napatay ng dalawang gunmen sa Brgy. San Nicolas,Bacoor City, Cavite.

Kinilala ang nasawing biktima na si Errol John Espeleta.

Batay sa ulat, alas-2:00 ng hapon ay nakaupo sa isang tindahan ang biktima nang ito ay lapitan ng isa sa mga suspek na na­kilalang si alias Marcial at walang kaabug-abog na ito ay pinagbabaril na agad nitong ikinamatay.

Ayon sa kaanak ng biktima na bago nangyari ang krimen ay marami na itong natatanggap na deaths threats mula sa mga drug personalities.

Hinala ng pulisya na ang pagpatay sa biktima ay may kaugnayan sa onsehan sa droga dahil sa hindi umano nagre-remit ang biktima sa mga nabebentang droga.