Tribu ng kababaihan, tuloy ang paghahabi sa gitna ng pandemya
QUEZON, Nueva Vizcaya, Philippines — Sa kabila ng nararanasang pandemya na dulot ng COVID-19 ay patuloy pa rin ang ilang mga kababaihan sa paghahabi sa mga katutubong kasuotan sa Barangay Runruno sa bayan na ito.
Ang nasabing programa ay unang binuo at pinondohan ng FCF Minerals Corp., na nakabase sa nasabing lugar upang mabigyan ng karagdagang hanap-buhay ang mga katutubong mga kababaihan sa lugar.
Ayon kay James Carmichael, FCF Minerals country manager, ang nasabing proyekto ay bahagi ng kanilang social development management program (SDMP) sa pakikipagtulungan ng mga lokal na opisyal ng barangay.
Sa pamamagitan ng pagkakaisa ng mga kababaihan mula sa iba’t ibang tribu na naninirahan sa lugar ay binuo nila ang Runruno Indigenous Peoples Organization (RIPO) bilang isang oraganisasyon na gagawa ng mga katutubong mga kasuotan at iba pang mga kagamitan bilang pagtaguyod at pagpapahalaga sa mga nakagisnang kultura at tradisyon ng kanilang mga tribu.
Kabilang sa mga hinahabi ng mga kababaihan ay ang mga bahag para sa lalaki, tapis at damit para sa mga kababaihan, mga palamuti at kwentas, sash sa mga okasyon, katutubong mga cheleko at iba pang mga ethnic na kagamitan.
Ayon kay Tonette Dumapi, 65, isa sa mga miyembro ng RIPO, bagama’t tinulungan sila ng FCF Minerals para sa pagbili ng kanilang mga kagamitan, bahagyang humina naman ang mga pangangailangan sa COVID-19.
- Latest