Kotse, sumalpok sa poste ng LRT-2; driver, tepok!
MANILA, Philippines — Isang lalaki ang patay nang sumalpok ang kanyang minamanehong kotse sa poste ng Light Rail Transit Line 2 (LRT-2) sa Brgy. Mayamot, Antipolo City kahapon ng madaling araw.
Kaagad na binawian ng buhay ang biktimang nakilala lang na si Mark Russel Aguado dahil sa tinamong matinding pinsala sa kanyang ulo.
Batay sa ulat ng Antipolo City Police, dakong ala-1:40 ng madaling araw nang maganap ang aksidente sa tapat ng isang gasolinahan sa Marcos Highway, sa Brgy. Mayamot.
Ayon sa testigong si Ver Consolacion, masyado umanong mabilis ang takbo ng Honda Civic na minamaneho ng biktima patungong direksiyon ng Masinag.
Pagsapit sa lugar ay dito na nawalan ng kontrol ang driver sa manibela at bumangga ang sasakyan nito sa poste ng LRT-2.
Sa tindi ng pagsalpok ay nagpaikot-ikot ang sasakyan ng biktima sanhi upang magtamo ito ng matinding pinsala sa ulo.
Kaagad namang rumesponde ang mga tauhan ng Brgy. Mayamot Rescue ngunit dead-on- the-spot na ang biktima.
- Latest
