Tirador ng motor dedo sa shootout
NAMPICUAN, Nueva Ecija, Philippines — Isang hindi pa kilalang lalaki na umano ay magnanakaw ng motor ang napatay ng mga otoridad sa isang dragnet operation, kamakalawa sa bayang ito.
Sa ulat na nakarating kay P/Col. Rhoderick Campo, acting police director ng Nueva Ecija, na ang motorsiklo na pag-aari ng isang Christopher Fernandez ay ninakaw, alas-9:30 ng gabi sa Barangay Alemania ng bayang ito.
Kaya naman ay nagsagawa ng dragnet operation ang mga otoridad laban sa suspek na namataan sa Barangay Cabawangan,dakong alas-11:31 ng gabi at sa halip na huminto ay pinaandar nito ang motor.
Kaya naman ay hinabol ng mga pulis ang suspek at nang makorner na ay nagbunot ito ng baril at pinutukan umano ang mga pulis.
Kaya’t gumanti ng putok ang mga pulis na ikinasawi ng suspek na nasamsaman ng baril at ang ninakaw nitong motorsiklo.
- Latest
