3 pa patay sa dengue sa Zambales
IBA, Zambales, Philippines — Umakyat pa ang bilang ng talaan ng mga namamatay dahil sa dengue sa lalawigang ito matapos na madagdagan ng tatlong biktima, ayon sa Provincial Health Office kahapon.
Sa report, mula sa apat ay pito na ang naitatalang nasawi sa dengue sa lalawigan nang madagdagan ng tatlo.
Ang kaso ng dengue sa lalawigan ay nagsimula noong Enero hanggang Hulyo ng kasalukuyang taon.
Ayon kay Zambales Health Officer Dr. Noel Bueno, sa kabuuan ay nasa 739 ang total cases ng dengue sa lalawigan at karamihan sa naitalang namatay ay mga bata.
Ayon pa kay Bueno, kung ikukumpara noong nakaraang taon, mahigit sa 200 lamang ang bilang ng mga tinamaan ng dengue sa kaparehong mga buwan na mas mababa kumpara sa mga tinamaan ng kasalukuyang buwan at taon.
- Latest