NPA commander todas sa encounter
MANILA, Philippines — Napaslang ang isang kumander ng mga rebeldeng New People’s Army (NPA) matapos makasagupa ang tropa ng mga sundalo sa Brgy. San Juan Daan, Bulan, Sorsogon nitong Sabado ng madaling araw.
Kinilala lang ang nasawi sa mga alyas na “Ka Cennon at “Ka Tikong”, kumander ng Sentro de Grabidad, Larangan 3, Komite ng Probinsya 3 ng NPA sa nasabing lalawigan.
Sinabi ni Captain John Paul Belleza, spokesman ng Army’s 9th Infantry Division (ID), si Ka Cennon ay sugatang naaresto at naisugod pa sa pagamutan pero idineklarang dead-on-arrival.
Bandang alas-3:40 ng madaling araw, ayon kay Belleza nang makasagupa ng tropa ng 22nd Infantry Battalion (IB) ng Phl Army ang tinatayang nasa 14 rebelde sa nasabing lugar.
“Na-captured siya initially tapos may tama pala, so pinilit idala sa hospital at i revived kaso DOA (Dead-on-Arrival) na”, ayon kay Belleza.
Narekober sa pinangyarihan ng bakbakan ang isang M14 rifle at anti-personnel mines.
- Latest