Face-to-face classes sa Lucena arangkada na
LUCENA CITY, Philippines — Nagsimula na ring umarangkada ang limited face-to-face classes para sa mga laboratory activities, research works at clinical internship para sa kursong Medical Technology sa isang unibersidad sa lungsod na ito.
Kasabay nito, istriktong ipinatutupad sa Manuel S. Enverga University Foundation (MSEUF) ang health and safety protocols gaya ng pagdaan sa Triage Area para sa disinfection, temperature check at paglagda sa health declaration form ng mga estudyante at guro.
Ayon sa anunsyo ng College of Nursing and Allied Health Sciences ng nasabing unibersidad, nakatakda na ring magsimula ang face-to-face classes para sa kursong Nursing.
Isa ang MSEUF Lucena sa dalawang unibersidad sa Quezon na binigyan ng “go signal” ng Commission on Higher Education (CHED) na makapagdaos ng limitadong physical classes para sa kanilang medical at allied health programs.
- Latest