Magsasaka dinukot, pinatay ng 4 na armado
USON, Masbate, Philippines — Bulagta sa madamong lugar ang isang 52-anyos na magsasaka matapos na dukutin ng apat na armadong lalaki at pagbabarilin sa Sitio Putod, Brgy. San Jose ng bayang ito kamakalawa ng gabi.
Duguan at wala nang buhay nang matagpuan ng mga kaanak at residente at may tama ng punglo sa iba’t ibang bahagi ng katawan ang biktimang si Pablo Rivera Jr., may asawa ng Sitio Impapanan, Brgy. Armenia, bayang ito.
Sa ulat, dakong alas-6:30 ng gabi habang naglalaro ng bilyar ang biktima sa bahay ng isang nagngangalang Manuel Maxilum nang dumating ang apat na armadong lalaki.
Sa hindi malamang dahilan, sapilitang isinama ng mga suspek ang biktima sa masukal na lugar at makalipas ang ilang sandali ay magkakasunod na putok ang narinig ng mga residente hanggang sa makitang patay ang biktima.
- Latest