4 timbog sa pot-session
LIMAY, Bataan , Philippines — Arestado ang apat katao sa aktong bumabatak ng droga sa isang paupahang bahay sa Barangay Town Site, sa bayang ito.
Sa ulat na ipinadala ni Limay Chief Police Major Madtaib Jalman kay Bataan Provincial Director Police Colonel Joel Tamis, kinilala ang mga nahuli na sina Allan Palapar, 22; Lolito Joso, 34; Manny Del Mundo, 37; at Joven Mango,44, pawang mga reisdente ng nabanggit na lugar.
Nabatid sa ulat na isang concerned citizen ang nagsumbong sa Limay-PNP na may nagaganap na pot session sa nabanggit na paupahang bahay.
Kaagad namang rumesponde ang mga otoridad at nahuli sa akto ang mga suspek at narekober ang aluminum foil, lighter at sachet na hinihinalang shabu.
Nahaharap sa kaukulang kaso ang mga suspek na may kinalaman sa paglabag sa Comprehensive Dangerous Drugs Act of 2002.
- Latest
