12 pawikan pinakawalan ng DENR

REAL, Quezon, Philippines — Aabot sa labingdalawang­ pawikan hatchlings, na mas kilala bilang Hawksbill turtle ang pinakawalan ng mga kawani ng Department of Environment and Natural Resources (DENR) sa baybaying dagat ng Barangay Malapad ng bayang ito, kamakailan.

Ayon kay Conservation and Development Section (CDS) Chief Julie Gonzales Abuejela ng DENR-CENRO – Real, napagkasunduan nila na pakawalan agad ang mga nasabing pawikan sa pagtaas ng tubig sa baybaying dagat ng Barangay Malapad sa Real, alas-4:52 ng hapon.

Ang hawksbill turtle at kabilang sa mga “critically endangered” na uri ng pawikan at mahigpit na ipinagbabawal ang pagpatay o paghuli sa mga ito ayon sa DENR.