33 patay sa COVID-19 sa Bataan
Sa loob ng 12-araw
BALANGA, Bataan, Philippines — Sumipa na sa 33 na katao ang namatay dahil sa COVID-19 sa loob lamang ng 12 na araw dahilan para umakyat sa 336 ang kabuuang bilang ng mga nasawi sa virus sa lalawigang ito
Pinakahuling namatay sa nasabing sakit ang apat na pasyente na kinabibilangan ng isang 81-taong gulang na babae at isang 53-anyos na lalaki mula sa Mariveles, isa pang 85-anyos na babae mula sa Hermosa, at isang 65-taong gulang na lola mula sa Samal.
Umakyat naman sa 1,333 ang aktibong kaso sa buong lalawigan, mula sa pitong bayan at isang lungsod, matapos madagdagan ng 34 na panibagong nagpositibo sa huling ulat ng Provincial Health Office.
Sa kabila nito, nasa 8,637 katao naman ang bilang ng mga gumaling matapos maidagdag ang 57 na panibagong nakarekober sa virus.
Sa kasalukuyan, sumampa na sa 10, 306 ang bilang ng mga nahawaan ng COVID-19 sa lalawigan.
- Latest