2 Nigerian, 4 pa natimbog ng PDEA
MANILA, Philippines — Dalawang Nigerian national at apat na kasamahang Pinoy ang arestado matapos ang isinagawang buy-bust operation ng Philippine Drug Enforcement Agency (PDEA) sa Mabalacat, Pampanga, kamakalawa ng gabi.
Kinilala ang mga naaresto na sina Kingsly Anaelechi, 37, Nelson Okafor Jr., 25; kapwa Nigerian nationals; at mga Pinoy na sina April Wright, 25; Eric Desuyo, 29; Norwin Carpio, 20; at Ralph Joseph, 25; pawang residente ng Mabalacat, Pampanga.
Ayon kay PDEA Dir. Gen. Wilkins Villanueva, alas-11:30 ng gabi nang magsagawa ng buy-bust ang mga ahente ng PDEA-Pampanga sa San Juan St. Villa Teodora, Brgy. Dau, Mabalacat, Pampanga.
Inaresto ng mga operatiba ang mga suspek nang maaktuhang nasa loob ng drug den nang isinagawa ang buy-bust.
Narekober sa mga suspek ang 30 gramo ng shabu na nagkakahalaga ng P204,000.00; 30 gramo ng dried marijuana na nasa P3,600 ang halaga at 2-gramo ng high grade marijuana o kush na nagkakahalaga ng P2,000 at mga drug paraphernalia.
- Latest
