Ex-cop, 3 pa arestado sa drug bust
LINGAYEN, Pangasinan, Philippines — Isang dating pulis at tatlong iba pa ang naaresto sa magkakahiwalay na anti-drug operation sa bayan ng San Manuel town, na kung saan ay nasa P200,000 halaga ng shabu ang nasamsam.
Ang mga suspek na sina Oscar Rizada, 23, construction worker; Angelou Operio, 40; at Excel Bangal, 26, factory worker, kapwa mga residente ng Barangay Rizal, Makati City ay naaresto dakong alas-3:15 ng madaling araw kahapon sa Maramba Blvd., Barangay Poblacion, Lingayen.
Nagsagawa ang mga pulis at Philippine Drug Enforcement Agency Regional Office 1, ng buy-bust operation laban sa mga suspek at nakumpiska ang sachet ng shabu na tumitimbang ng 35 grams na nagkakahalaga ng P238,000, buy-bust money, boodle money, cellular phone at Chevrolet duramax.
Samantala, isang dating pulis ang naaresto dakong alas-11:30 ng gabi noong Mayo 17 sa Purok Regta, Barangay San Juan, San Manuel
Kinilala ang naarestong suspek na si Charlie Sagun, dating naka-assigned sa Police Regional Office 2 na nag-absent without official leave at residente ng Barangay Guiset Sur, San Manuel.
Nasamsam kay Sagun ang sachet ng shabu na may timbang na .0779 gram at dalawa pang sachets ng shabu na may timbang na .1470 gram, buy-bust money, cellular phone, Mitsubishi van at limang pirasong bala ng caliber 9mm.
- Latest