Rider utas, angkas kritikal sa road crash

QUIRINO, Ilocos Sur, Philippines — Utas ang isang 27-anyos na obrero habang malubha ang angkas nito matapos dumausdos ang kanilang sinasakyang motorsiklo sa highway ng Brgy. Cayus, sa bayang ito, kamakalawa ng gabi.

Ang nasawi ay kinilalang si Dindo Beleleng,habang kritikal ang angkas nitong si Jordan Beteng, 23.

Sa report ng pulisya, alas-9:00 ng umaga ay minamaneho ni Beleleng ang motorsiklo at ang angkas na si Beteng, pauwi sa karatig bayan ng San Emilio nang mawalan ito ng kontrol at dumausdos ng ilang metro sa kalsada.