79-anyos na lola tepok sa motorsiklo
CASTILLAS, Sorsogon, Philippines — Idineklarang dead on arrival sa ospital ang isang 79-anyos na lola matapos masalpok ng motorsiklo sa kahabaan ng Maharlika National Highway,Brgy.Sogoy ng bayang ito kamakalawa ng gabi.
Ang nasawi ay kinilalang si Olivia Montenegro Arnel,residente ng Brgy.Cagbacong sa Legazpi City,Albay habang nagpapagaling ang rider ng nakabanggang motor na si Efraim Agnote Polo,26 anyos,residente ng Brgy.San Vicente na nagtamo ng sugat sa iba’t ibang bahagi ng katawan.
Sa ulat, dakong alas-7:20 ng gabi mabilis na binabagtas ng motorsiklo ni Polo ang kahabaan ng highway papuntang Brgy. Putiao nang mabangga nito ang papatawid na biktima.
Sa lakas nang pagkakabangga ay duguang tumilapon ang lola habang tumalsik naman at humampas sa kalsada ang rider.
- Latest