Magpinsan tiklo sa drug bust

LUCENA CITY, Quezon, Philippines — Arestado ang magpinsan sa isinagawang anti-drug ­operation ng mga operatiba ng Quezon at Lucena PNP Drug Enforcement Unit sa Barangay 10 sa lungsod na ito, kamakalawa ng gabi.

Base sa ulat ni PCol.­Ericson Dilag, Quezon PNP Provincial Director, nakilala ang mga nadakip na sina Dennis Causapin, 45, binata, security guard, nakatira sa Barangay Cotta at kabilang sa mga talaan ng High Value Individual ­( HVI) at dating mi­yembro ng Talag drug group na ang operasyon ay umiikot sa ikalawang distrito ng lalawigan ng Quezon; at Andie Causapin, 34, binata ng Barangay Mayao Kanluran.

Ayon kay PMajor Lauro Moratillo, chief ng PDEU ng Quezon PNP, isinagawa nila ang buy bust operation sa magpinsan dakong alas 9:15 ng gabi.

Nakuha buhat sa pag-iingat ng mga suspek ang dalawang coin purse na naglalaman sa kabuuan ng 2.8 gramo ng shabu na nagkakahalaga ng P57,120.00, at P500 marked money.