73 NPA rebels nagbalik-loob sa gobyerno
KORONADAL CITY, North Cotabato, Philippines — Pitumpu’t tatlong mga rebeldeng New People’s Army mula sa buong lalawigan ng South Cotabato ang sumuko sa pamahalaan at tuluyang itinakwil ang kilusan matapos na manumpa ang mga ito sa isang seremonya sa Koronadal City, iniulat kahapon.
Ayon kay Brig. Gen. Roy Galido, kumander ng 601st Infantry Brigade ng Army, ang mga dating rebelde ay makakatanggap ng pangkabuhayan mula sa pamahalaang lokal ng South Cotabato.
Ito ay batay na rin sa inilabas na pondo ni South Cotabato Gov. Reynaldo Tamayo sa pamamagitan ng Executive Order 70 ng Malacañang, na kilala rin bilang kampanyang “Ending Local Communist Armed Conflict”.
Dahil dito, sinimulan na nila ang pagbibigay ng P5.7 milyong halaga ng tulong pangkabuhayan sa 73 mga NPA na bumalik sa batas.
Ginanap sa isang pasilidad ng gobyerno sa Koronadal City ang aktibidad.
- Latest
