Hagupit ni ‘Bising’: 3 na nasawi, 10 sugatan
MANILA, Philippines — Tatlo katao na ang naiulat na nasawi, 10 sugatan, habang isa pa ang nawawala sa Regions 5, 7, 8, at 11, sa pananalasa ng bagyong Bising sa bansa.
Sa huling situation report ng National Disaster Risk Reduction and ManagementCouncil (NDRRMC) kahapon ng umaga, dalawa sa mga nasawi ay isang 47-anyos na babae sa Catmon, Cebu at isang 79-na taong gulang na lalaki sa St. Bernard, Southern Leyte na nabagsakan ng puno.
Samantala, 59,098 na pamilya o 229,829 na indibiduwal ang iniulat na apektado ng bagyo sa 944 na barangay sa Region 5, Region 8, at CARAGA.
Sa nasabing bilang, 3,848 na pamilya o 15,813 na indibiduwal ang inilikas sa 236 evacuation centers; habang 5,535 na pamilya o 21,648 na indibiduwal ang sumilong sa mga kamag-anak o kaibigan.
Halos ?46 milyong halaga ang iniulat na pinsala sa agrikultura at mahigit ?10-milyon sa imprastraktura sa Region 5 at Region 8.
Mahigit 1,000 bahay naman ang partially at totally damaged sa Region 5, Region 8, at CARAGA.
- Latest
