P2 milyong shabu samsam sa buy-bust

CANDELARIA, Quezon, Philippines — Naghihimas na ngayon ng rehas na bakal ang isang tambay na hinihinalang kasapi ng drug group matapos na ito ay makumpiskahan ng shabu na nagkakahalaga ng mahigit sa P2-M sa anti-drug operation na isinagawa ng mga operatiba ng Municipal Drug Enforcement Unit (MDEU) kamakalawa ng gabi sa Purok 1,Barangay Malabanban Sur.

Kinilala ng pulisya ang nadakip na si Mark Delfin Sarmiento, 23, binata at residente sa naturang lugar.

Isinagawa ng mga awtoridad ang buy-bust operation dakong alas-9:30 ng gabi at nabilhan ang suspek ng isang plastic sachet ng shabu.

Nakuha pa sa pag-iingat nito ang 24 na pakete ng ilegal na droga na tumitimbang ng 125 gramo at nagkakahalaga ng P2,550,000.00, isang pirasong 1,000 marked money at 14 piraso ng 1,000 boodle money.