Halos 90% health workers sa SJDM, nabakunahan na
MANILA, Philippines — Naabot na ng lokal na pamahalaang lungsod ng San Jose Del Monte (SJDM) ang halos 90 porsiyento ng kanilang target na mabakunahang mga health workers.
Sa pinakahuling datos na inilabas ng Public Information Office (PIO) ng lungsod, mula Abril 6, 2021 ay nabakunahan na ng kanilang City Health Department ang may 3,459 residente ng SJDM mula sa kabuuang bilang na 3,895 health workers o 88.81 porsiyento ng kanilang target. Tumanggap ang mga health workers ng bakuna kung hindi man Sinovac ay AstraZeneca.
Sinabi ni SJDM Rep. Florida Robes na bagama’t target ng lungsod na mabakunahan ang 70 porsiyento ng tinatayang isang milyong residente upang makamit ang kawan ng mga maililigtas sa sakit, ginagawa nila lahat ang makakaya upang makatanggap ng bakuna ang lahat ng kanilang mamamayan upang matiyak na lahat ay protektado laban sa virus.
“No San Josen?o should be left behind in this vaccination drive and we will work hard to achieve that for the people of San Jose. We are aiming for 100 percent vaccination! This is the only way for us to move forward from this pandemic,” ayon pa kay Robes.
Nagawa rin ng lungsod na mabakunahan ang 100 porsiyento ng target nilang 220 na may comorbidities na nasa kategoryang A3 na pawang nagparehistro ina-update pa ng lungsod ang mga nasa kategoryang A3, batay sa karagdagang datos at mga bagong nagpatala. Ang pagbabakuna sa may 22,039 senior citizens na nagparehistro upang mabigyan ng unang dose ay inaayos na rin.
- Latest