Kagawad na HVT tiklo sa buy-bust
CUYAPO, Nueva Ecija, Philippines — Arestado ang isang barangay kagawad na sinasabing isang high value target (HVT) matapos ang ikinasang buy-bust operation ng mga awtoridad sa Barangay District 6 ng bayang ito, kahapon ng madaling-araw.
Kinilala ni P/Lt. Col. Erwin Ferry, hepe ng pulisya rito, ang suspek na si Kagawad Sonny Balcorta, 43, may-asawa ng Barangay Bulala ng bayang ito.
Nakatala umano ang suspek sa drug personality watchlist ng pulisya sa bayang ito.
Ayon kay Ferry, anim na araw umanong isinailalim sa surveillance ang suspek saka isinagawa ang buy-bust operation sa nabanggit na lugar, bandang alas-12:30 ng madaling-araw ng Biyernes.
Nasa 0.30 gramo ng hinihinalang shabu ang nakuha sa suspek na may halagang P2,500.
- Latest