5 rebeldeng may armas, sumuko
SAN JOSE CITY, Nueva Ecija, Philippines — Bitbit ang kanilang mga armas sumuko sa otoridad ang limang rebeldeng New People’s Army (NPA) nitong Biyernes Santo
Ayon kay Police Col. Jaime Santos, provincial director ng Nueva Ecija Police, kusang-loob na sumuko sa pamahalaan ang tatlong miyembro ng Communist Party of the Philippines - New People’s Army (CPP-NPA), at dalawang dating miyembro ng Liga ng Manggagawang Bukid (LMB) na nasa ilalim ng Alyansang Magbubukid ng Gitnang Luzon (AMGL).
Kinilala ang mga nagsisuko na sina “Ka Romeo”, dating miyembro ng LMB-AMGL noong 2014-2016, na nagsuko rin ng kanyang 12-gauge shotgun (no serial#.), may 3 bala; “Ka Juan”, dating CPP-NPA sa ilalim ng Arcadio Peralta command noong 1993-1995, nagsuko ng kanyang .38 revolver (walang SN), may 3 bala; “Ka Fred”, dating CPP-NPA sa ilalim ng Leopoldo Calusa command noong 2003; “Ka Ronnie”, dating LMB-AMGL noong 2004-2006; at “Ka Billy”, dating CPP-NPA sa ilalim ng Josepino Corpus command noong 1982 hanggang 1991.
Pormal na tinanggap ang kanilang pagsuko sa harap ng mga opisyal ng pulisya at Army.
- Latest
