Drug suspect dedo sa buy-bust
SAN MARCELINO, Zambales , Philippines — Isang drug suspect ang nasawi nang ito umano ay manlaban sa mga otoridad sa isang buy-bust operation, kamakalawa ng gabi.
Kinilala ang nasawing suspek na si Richard Sparling, 41, residente ng West Dirita, San Antonio, Zambales.
Sa ulat, nagsanib puwersa ang Provincial Drug Enforcement Unit, San Marcelino Municipal Police Station at 2nd Provincial Mobile Force Company ZPPO para magsagawa ng anti-illegal drugs operation sa Barangay San Guillermo, San Marcelino, Zambales.
Sa gitna na transaksiyon ay nakahalata ang suspek na pulis ang poseur buyer kaya’t nang siya ay aarestuhin ay nanlaban umano ito kaya’t pinagbabaril hanggang sa masawi.
Narekober sa nasawing suspek ang isang heat sealed plastic sachet nag naglalaman ng hinihinalang shabu at isang caliber 9mm pistola.
Dati na umanong naaresto kaugnay din sa kasong may kinalaman sa droga o Republic Act 9165 ang suspek sa kanilang lugar.
- Latest
