Bataan lumarga na rin sa pagtuturok ng Sinovac
BATAAN, Philippines — Nagsimula na rin ang pagtuturok ng Sinovac vaccine sa mga medical workers ng Bataan General Hospital and Medical Center (BGHMC) kahapon sa lalawigang ito.
Panauhin si COVID-19 Testing Czar Vince Dizon sa ginanap na ceremonial vaccination ng mga healthcare workers na kanya ring sinaksihan ang pagbabakuna.
Unang nabakunahan ang mga doktor at matataas na opisyales ng BGHMC na sina Dr. Glory Baltazar, Dr. Luis Hizon, Dr Ma. Bettina Santos at Dr. Jerry James Bunagan ang apat na health workers na kauna-unahang recipient ng Sinovac sa lalawigan.
Nasa inisyal na 417 doses na vaccines ang unang natanggap ng lalawigan na kabilang sa kabuuang na 2,680 na bakunang nakalaan para sa buong lalawigan na dumating noong Sabado ng umaga.
Nanawagan naman si Bataan Governor Albert Garcia sa kanyang mga kababayan na huwag matakot na magpabakuna ng Sinovac.
- Latest
