Bakuna kontra COVID-19 dumating na sa Cagayan Valley

TUGUEGARAO CITY, Philippines — Inaasahang isa­sagawa na ang pagba­bakuna sa Cagayan Valley matapos duma­ting na ang inisyal na 10,800 vials ng COVID- 19 vaccine na gawa ng Sinovac Biotech na hinatid ng commercial flight ng Cebu Pacific sa lungsod na ito kahapon.

Ang vaccine shipment ay ang kauna-unahang paglapag ng eroplano sa domestic airport dito mula nang isara may isang taon na ang nakalipas bunsod ng deklarasyon ng Luzonwide Enhanced Community Quarantine­ nang pumutok ang pan­demya.

Ang mga bakuna ay tinanggap ni Depart­ment of Health Regional Director Rio Mag­pantay na siyang sumabay sa paglipat ng mga ito sa cold sto­rage facility ng kanyang tanggapan.

Mahigit 5,000 health workers ang inaasahang matuturukan ng double doses ng bakuna na ita­takda sa mga susunod na araw.

Kabilang sa mga hospital at pasilidad na babagsakan ng bakuna ay ang Cagayan Valley Medical Center, People’s General Hospital of Tuguegarao, Southern­ Isabela Medical Center­, Region 2 Trauma and Medical Center, Regional PNP Health Sta­tion dito at Batanes Pro­vincial Hospital.