Parak utas, 2 pa sugatan sa ambush
NORTH COTABATO, Philippines — Isa na namang pulis ang nasawi habang sugatan ang dalawang kasama nito matapos silang tambangan at pagbabarilin sa Purok 15-B, Barangay Polonuling, Tupi, South Cotabato, kahapon ng umaga.
Kinilala ang namatay na si P/Staff Sgt. Reynante Escuela Espero na siyang driver ng kotse na kulay silver (LAC-4309). Isinugod sa isang pribadong ospital sa Koronadal City ang kabaro nitong sina Staff Sgt. Rey Jerome Fortunato Silvederio at Staff Sgt. Jorex Basay Velasco sa Koronadal City.
Ang naturang mga pulis ang pawang naka-assign sa Regional Police Holding and Administrative Unit sa General Santos City at dating natalaga sa Koronadal City Police.
Inihayag ni Captain Junel Rey Gatera, hepe ng Tupi Police na habang bumabagtas ang mga biktima sa nasabing lugar nang tambangan ng mga ’di kilalang suspek na lulan ng Toyota Fortuner pasado alas-6:00 ng umaga.
Narekober sa pinangyarihan ng krimen ang napakaraming basyo ng bala.
- Latest
