Big-time drug peddler huli sa P6.8 million shabu

COTABATO CITY, Philippines — Arestado ang isang bigtime drug peddler matapos masamsaman­ ng nasa P6.8 milyong ha­laga ng shabu sa isinagawang operasyon ng pinagsanib na puwersa ng Philippine Drug Enforcement Agency (PDEA)-BARMM, Phi­lippine Marines at Phl Army sa Malabang, La­nao del Sur kamakalawa.

Kinilala ni PDEA-BARMM Regional Director Juvenal Azurin ang nahuling suspek na si Romie Diamillah Hadji Alawi, nasa hustong gulang.

Isinagawa ang ope­rasyon ng mga operatiba, alas-11:40 ng umaga matapos na ma­­kipagtransaksyon ang suspek sa isang un­dercover agent sa Brgy. Mataling, Malabang. Hindi na siya nakapa­lag nang arestuhin ng PDEA.

Nakuha sa suspek ang isang kilong shabu, cal. 22 pistol, bagong Toyota Hi-Lux vehicle at boodle money.