50% kapasidad sa simbahan sa Baguio, puwede na
TUGUEGARAO CITY, Cagayan, Philippines — Maaari nang magdaos ng banal na misa ang simbahang Katolika at iba pang relihiyon simula sa darating na araw ng Linggo sa Baguio City matapos payagan ni Mayor Benjamin Magalong ang ganitong uri ng pagtitipon kamakalawa.
Sa nilagdaang Executive Order No. 26 ni Magalong, 50 porsiyento lamang ang maaaring pumasok sa loob ng simbahan.
Kabilang sa mga kondisyon na dapat sundin ng mga relihiyoso ay ang mga sumusunod: limitado lamang sa pagdaraos ng misa o pagsamba ang uri ng isasagawang mass gathering, pagsumite ng kahilingan ng pahintulot at approval ng lokal na pamahalaan sa isasagawang pagtitipon, pagtalaga ng mga roving officers sa lugar upang mapanatili at maipatupad ang panuntunan ng kalusugan at ang pagtalima sa paglagay ng mga pabatid tungkol sa health protocols.
Pinuri naman ng mga deboto ang pasya ni Magalong dahil mas mapagtutuunan na nila ang taus-pusong pamamanata sa pagdalo ng misa upang makapaghugas ng kanilang mga kasalanan lalo na’t nalalapit na ang panahon ng Semana Santa.
- Latest