5-anyos patay sa nilarong ‘sumpak’
TUGUEGARAO CITY, Cagayan, Philippines — Patay ang isang 5-anyos na nene matapos pumutok sa kanya ang diumano’y nagalaw nitong “sumpak” sa kanilang bahay sa Sitio Cautit, Brgy. Monggoc, Pidigan, Abra noong Biyernes.
Sa report ng pulisya, duguan at nakahandusay sa sahig ang biktimang si Glea Jane Bolante nang datnan ng kanyang mga kaanak dakong alas-4:00 ng hapon.
Isa sa dalawang kalaro ng biktima ang nagkuwento sa mga imbestigador na may hawak na tubo ang biktima na kalaunan ay napag-alamang improvised shotgun o “sumpak” at pumutok sa kanyang katawan.
Sinisiyasat ngayon ng awtoridad ang mga nag-aaruga sa bata upang matukoy ang may-ari ng sumpak habang pinag-aaralan na masampahan sila ng kaso dahil sa kapabayaan.
- Latest