2 drug pusher todas sa buy-bust
MALOLOS CITY, Bulacan ,Philippines — Dalawang tulak ng ipinagbabawal na droga ang napatay ng mga otoridad sa magkahiwalay na drug bust sa lalawigang ito,kamakalawa ng gabi.
Kinilala ni P/Col. Lawrence Cajipe, Bulacan police director ang dalawang suspek na sina Ronald Ramos na napatay sa Sitio Gulod, Brgy. Pantubig, San Rafael, Bulacan, alas 10:00 ng gabi.
Habang ang ikalawang suspek na si Alvin Cruz ay napatay naman sa Brgy. Camachile, Doña Remedios Trinidad,dakong alas 12:50 ng madaling araw.
Narekober sa dalawang napatay na suspek ang labing anim na small plastic sachet ng shabu, isang cal .32 revolver, isang cal. 38 revolver, buy-bust money at drug paraphernalia.
Samantala,naaresto ng San Miguel at Malabon police ang tinaguriang “shabu” queen ng Malabon City na si Noemi Esquerra sa isinagawang buy-bust dakong alas-11:19 ng gabi sa Brgy. Longos, Malabon City.
Narekober kay Esquerra ang 11 medium plastic sachet ng shabu na tumitimbang ng 50gramo na nagkakahalaga ng 425K.
Isinagawa ang drug bust kay Esquerra matapos na pangalanan ito ng isang tulak na una nilang naaresto sa San Miguel, Bulacan at positibong itinuro ang shabu queen na kanyang source at kinukuhanan ng shabu.
- Latest