10 BJMP, 1 inmate nagpositibo sa COVID-19
TUGUEGARAO CITY Cagayan, Philippines — Sampung tauhan ng Bureau of Jail Management and Penology (BJMP) na bumalik sa tungkulin mula sa kanilang Christmas vacation ang nagpositibo sa COVID-19 sa Kiangan, Ifugao kahapon.
Ayon sa Municipal Health Office, ang mga nagpositibong kawani ay bumalik sa kanilang tungkulin mula sa 21 araw na bakasyon noong Disyembre 30 at isinalang sa swab test kasama ng 16 pa nilang kabaro na nag-negatibo.
Tig-apat sa Baguio City at Mountain Province, tig-isa sa Isabela at Asipulo, Ifugao ang mga tinamaan ng virus.
Bukod sa kanilang pakikisalamuha sa labas upang bumahagi sa pagtitipon sa mga kaanak at kababayan noong kapaskuhan ay nagkaroon din ng exposure ang sampu sa isang preso na nakatakdang ilipat sa Muntinlupa, subalit nagpositibo sa COVID-19.
Ang sampung nagpositibong kawani, isa sa kanila ay babae, ay isinailalim sa quarantine isolation facility ng institusyon.
Dalawa sa sampu ay pawang asymptomatic habang ang iba ay nakaranas ng lagnat, sipon, pangangati ng lalamunan at pananakit ng katawan.
Nakatakda rin isalilalim ang 127 iba pang mga bilanggo sa naturang piitan na dumaan sa masusing disinfection.
- Latest