2 negosyante binistay ng bala
NORTH COTABATO, Philippines — Bumulagta ang dalawang negosyante matapos na paulanan ng bala ng ‘di kilalang mga lalaki sa Brgy. Poblacion, bayan ng Matalam, dito.
Kinilala ang mga nasawi na sina Antonio Sumapal, 50-anyos, may asawa, isang drayber at Jasmin Mamaluba, 47-anyos, may asawa na pawang mga residente ng Brgy. Cabuling, Banga, South Cotabato.
Sa paunang imbestigasyon ng mga otoridad, nag-aayos lamang ng mga karga sa kanilang Mitsubishi Canter (mini-elf truck) ang dalawa nang pagbabarilin ng ‘di pa nakikilang mga salarin sa bahagi ng National Highway sa Purok Yellow Bell, Brgy. Poblacion dakong alas-2:50 ng hapon kahapon.
Nagtamo ng mga tama sa punglo sa iba’t ibang parte ng katawan ang mga biktima na nagresulta ng agaran nilang kamatayan habang mabilis na tumakas ang mga suspek.
- Latest
