‘Tulak’ bulagta sa buy-bust
CAVITE, Philippines — Isa na namang hinihinalang tulak ng droga ang patay matapos pumalag sa isinasagawang buy-bust operation ng pulisya kamakalawa ng gabi sa Brgy. San Jose, Gen. Mariano Alvarez, dito sa lalawigan.
Kinilala ang napaslang na suspek na si Ramil Sandoval, 38-anyos at residente ng B11 L2, Brgy. San Jose, GMA, Cavite.
Sa ulat, alas-9:30 ng gabi nang ikasa ng pinagsanib na puwersa ng Station Drug Enforcement Unit, GMA Police at Philippine Drug Enforcement Agency ang buy-bust laban sa suspek. Habang isinasagawa ang transaksyon, naramdaman ng suspek ang palihim na hudyat ng kanyang ka-deal kung kaya’t nagtatakbo siya papasok ng kanyang bahay hanggang sa dito na nakipagpalitan ng putok sa mga operatiba at minalas siyang masapol ng bala.
Narekober sa tumimbuwang na suspek ang isang maiksing baril, mga shabu at drug paraphernalia.
- Latest
