Pulis na killer ng abogado, arestado
PALAWAN, Philippines — Arestado ang isang pulis na kasama sa siyam na sinampahan ng kasong murder dahil sa pagpatay kay Atty. Eric Jay Magcamit noong Nobyembre 17 sa Narra, Palawan.
Ayon kay PNP Chief, Police General Debold Sinas nasa restrictive custody na ng Palawan Police Provincial Office si Police Senior Master Sergeant Ariel Pareja habang inihahanda ang kasong administratibo laban dito.
Kinasuhan din sa Palawan Provincial Prosecutor’s Office sina Jazer del Rosario, Marcelino Quioyo, at anim na John Does na sinasabing responsable sa pamamaslang kay Magcamit.
Si Del Rosario ang nakita sa CCTV na isa sa magkaangkas na suspek na bumaril kay Magcamit.Sinasabing miyembro rin si Del Rosario ng gun for hire.
Sa report na natanggap ni Sinas mula kay MIMAROPA PNP Regional Director, Police Brigadier General Pascual Muñoz, lumilitaw na nagmu-moonlighting bilang bodyguard si Pareja kay Quioyo na sangkot sa kaso ng land dispute.
Nagsisilbi namang abogado si Magcamit ng kalaban ni Quioyo.
- Latest