WWII bomb, lumutang matapos ang baha sa Cagayan
SANTIAGO CITY, Isabela, Philippines, Philippines — Isang higanteng bomba na pinaniniwalaang mula pa noong World War 2 ang nakita matapos humupa ang malawakang pagbaha sa lalawigan ng Cagayan.
Ayon sa report ng Police Regional Office 2, ang nasabing vintage bomb ay nadiskubre ng isang residente na noon ay nangongolekta ng mga naanod na kahoy na panggatong sa nasasakupan ng Barangay Linbao West, Tuguegarao City sa nabanggit na lalawigan.
Ayon sa Tuguegarao PNP, agad na itinawag sa kanilang himpilan nang madiskubre ni Mario Langcay, 52, residente ng nasabing lugar ang dambuhalang bomba sa gilid ng ilog na unang inakala na naanod lamang na malaking bakal.
Sa pagsusuri ng mga awtoridad, ang dambuhalang bomba na may habang 52-inches at timbang na mahigit 500 na kilo ay nasa maayos pang kondisyon at maaring magdulot ng malaking pinsala kung ito ay sasabog.
Agad naman nakipag-ugnayan ang mga kapulisan sa mga bomb expert mula sa Philippine Army para ipasakamay ang bomba.
Sa teyorya ng pulisya, maaari umanong naanod ang bomba mula sa ibang lugar dulot ng malawakang pagbaha dahil sa bagyong Ulysses.
WWII bomb, lumutang matapos ang baha sa Cagayan
Victor P. Martin
SANTIAGO CITY, Isabela, Philippines, Philippines — Isang higanteng bomba na pinaniniwalaang mula pa noong World War 2 ang nakita matapos humupa ang malawakang pagbaha sa lalawigan ng Cagayan.
Ayon sa report ng Police Regional Office 2, ang nasabing vintage bomb ay nadiskubre ng isang residente na noon ay nangongolekta ng mga naanod na kahoy na panggatong sa nasasakupan ng Barangay Linbao West, Tuguegarao City sa nabanggit na lalawigan.
Ayon sa Tuguegarao PNP, agad na itinawag sa kanilang himpilan nang madiskubre ni Mario Langcay, 52, residente ng nasabing lugar ang dambuhalang bomba sa gilid ng ilog na unang inakala na naanod lamang na malaking bakal.
Sa pagsusuri ng mga awtoridad, ang dambuhalang bomba na may habang 52-inches at timbang na mahigit 500 na kilo ay nasa maayos pang kondisyon at maaring magdulot ng malaking pinsala kung ito ay sasabog.
Agad naman nakipag-ugnayan ang mga kapulisan sa mga bomb expert mula sa Philippine Army para ipasakamay ang bomba.
Sa teyorya ng pulisya, maaari umanong naanod ang bomba mula sa ibang lugar dulot ng malawakang pagbaha dahil sa bagyong Ulysses.
- Latest
