2 pulis-HPG nagpositibo sa COVID-19
KIDAPAWAN CITY, Philippines — Dalawang miyembro ng PNP-Highway Patrol Group (HPG) dito ang tinamaan ng COVID-19, iniulat ng awtoridad kahapon.
Ayon kay Kidapawan City Information Officer Atty. Paolo Evangelista, naka-quarantine na rin ang tatlong may close-contact sa dalawang HPG at kung makitaan ng sintomas ay isasailalim sa swab test.
Nagsasagawa na rin ng contact tracing para sa iba pang nakasalamuha ng dalawang pulis.
Sinabi naman ni North Cotabato HPG chief Police Major James Baugbog, sarado ng 14-araw ang HPG Kidapawan City Office at lahat ng transaksyon ay pansamantalang isasagawa sa kanilang sub-office sa Kabacan, North Cotabato matapos na magpositibo ang dalawang nabanggit na pulis.
Nabatid na magbubukas muli ang kanilang tanggapan sa susunod na linggo pagkatapos ng quarantine period.
- Latest