12-wheeler mobile clinic iikot sa 569 barangay sa Bulacan
MALOLOS CITY, Bulacan, Philippines — Inihahanda na ng Provincial Capitol ang mas malaki nitong mobile clinic na iikot sa may 569 na barangay sa Bulacan, upang makapagbigay ng iba’t ibang serbisyong medikal sa iba pang mga sakit sa panahon ng pandemya dulot ng COVID-19.
Ayon kay Gobernador Daniel Fernando, bahagi ito ng pagsasakatuparan sa isa sa kanyang “People’s Agenda 10” kung saan kabilang ang kalusugang pangkalahatan.
Magiging komposisyon ang bagong “Bulacan Mobile Clinic” ng “Damayan sa Barangay” na isang programa ng pamahalaang panlalawigan upang maibaba sa mga barangay ang mga proyekto nang hindi na kailangan pang sumadya ang mga Bulakenyo sa Kapitolyo sa Malolos.
Ang mobile clinic ay isang 12-wheeler modified bus na may mga pangunahing pasilidad pangkalusugan gaya ng operating room, ultrasound, X-Ray, laboratory, check-up room at iba pang kasangkapan at kagamitan na kailangan sa paggagamot. May halagang P29 milyon ang inilaan para maisakatuparan ang Bulacan Mobile Clinic.
- Latest
