Magdyowa, 2 pa tiklo sa droga
LUCENA CITY, Philippines — Apat na katao ang naaresto kabilang ang isang magsyota sa isang drug buy-bust operation sa Barangay Ibabang Dupay, kahapon ng umaga.
Ayon kay PLt. Col. Romulo Albacea, chief of police dito, ang pagkakaaresto sa Purok Pamantasan, University Site Village ng nasabing barangay dakong alas 10:15 ng umaga sa magsyotang sina Girlie Lanuza, 37 ng Moscow st. at Mark Anthony Rama ng Isabang, Tayabas City ay bunga ng naunang dalawang buy-bust operation na isinagawa ng mga operatiba ng City Drug Enforcement Unit (CDEU) at nasamsam ang 8 plastic sachet ng hinihinalang shabu at P500 marked money.
Samantala, alas-6:25 ng umaga nang maaresto ang ikatlong suspek na si Lorante Guevarra, 41 sa Purok Central at 11maliliit na plastic sachet ng suspected shabu, P500 marked money at homemade shot gun na may kasamang isang bala ang nakumpiska at doon ay inginuso ang pinagkukunan niya ng droga na si Mario Abadilla, 49 na nalambat, alas 8:10 ng umaga sa kanyang bahay sa Family Land subdivision matapos ang buy-bust operation at nakuhaan ito ng apat plastic sachet ng shabu at marked money na P500.
- Latest
