Totoy natusta sa napabayaang kandila

PANGASINAN , Philippines  — Nagpalabas ng manhunt operation ang Tayug Municipal Police laban sa isang vendor matapos nitong pugutan ng ulo ang matalik na kaibigan na bisita nito sa kanyang birthday party kamakalawa ng hapon sa Tayug, Pangasinan.

Sa ulat ng Tayug Police, nahiwalay ang ulo sa leeg ng biktimang si Mario Costales, 47, matapos na pagtatagain sa leeg ng jungle bolo ng suspek na si Joel Dela Cruz, 40, tubong Nueva Ecija na mabilis na tumakas matapos ang krimen.

Base sa pahayag ni P/Maj. Arnold Soriano, hepe ng Tayug Municipal Police Station, nangyari ang insidente dakong alas 3:30 ng hapon habang nagdiriwang ng birthday ang suspek. Nag-iinuman ang suspek at biktima kasama ang ilang bisita sa boarding house sa Brgy. Trenchera, nang magkaroon sila ng mainitang pagtatalo. Dito na kumuha ng jungle bolo ang suspek at pinagtataga ang biktima sa leeg.

Matapos ang insidente, agad tumakas ang suspek, dala ang jungle bolo na ginamit sa pagpatay sa matalik na kaibigan.