Titser inagawan ng motor, tinodas

NORTH COTABATO, Philippines — Patay ang isang 30-anyos na guro matapos na pagbabarilin at inagawan pa ng motorsiklo ng ‘di kilalang suspek sa national highway ng Brgy. Central Glad, Midsayap, dito noong Linggo ng gabi.

Kinilala ang nasawi na si Ravin Lucero Bigcas ng Barangay Agriculture, Midsayap.

Sa ulat, alas-6:30 ng gabi nang matagpuan ng mga rumespondeng pulis ang biktima na naliligo na sa sariling dugo at nawawala na ang kanyang motorsiklo. Naisugod pa sa ospital ang guro, pero idineklarang dead-on-arrival ng mga doktor.