3 trike inararo ng truck: 1 dedo, 8 sugatan

MANILA, Philippines — Isa ang patay habang walong iba pa ang sugatan nang araruhin ng isang truck na nawalan ng preno ang tatlong tricycle sa Antipolo City, Rizal kahapon ng hapon.

Habang isinusulat ang balitang ito ay inaalam pa ng mga awtoridad ang pagkakakilanlan ng namatay na biktima.

Samantala, ang walong iba pang nasugatan ay pawang naisugod na sa pagamutan at kasalukuyan nang nilalapatan ng lunas.

Batay sa paunang ulat ng Antipolo City Police, pasado alas-3:37 ng hapon sa Olalia Road, Brgy. Sta. Cruz, Antipolo City habang bumibiyahe sa lugar ang truck nang mawalan ito ng preno at araruhin ang tatlong tricycle na nasa lugar. Napailalim ang mga tricycle sa truck na nagresulta sa pagkasugat ng mga sakay ng mga ito pagkamatay ng isa pa sa kanila.

Nagdulot naman ng matinding pagsisikip ng daloy ng trapiko sa lugar ang insidente.