Magsasaka itinali na parang baboy, plinastik saka pinatay
CANDELARIA, Quezon, Philippines — Karumal-dumal ang ginawang pagpatay sa isang magsasaka matapos na matagpuang nakabalot ng plastic ang kanyang ulo at mukha at tinaliang parang baboy ang mga kamay at paa saka itinapon sa gilid ng palayan sa Sitio Kalye Onse, Brgy. Sta. Catalina Norte ng bayang ito kamakalawa ng umaga.
Kinilala ng pulisya ang biktima ng salvaging na si Demetrio Arida, 48, may asawa ng Barangay Pahinga Sur., Candelaria.
Pinaniniwalaan ni P/Staff Sgt. Francis Benedict, officer on case, na sa ibang lugar pinaslang ang biktima at sa nabanggit na lugar lamang itinapon ang bangkay upang iligaw ang imbestigasyon ng mga awtoridad. Dakong alas-6:45 ng umaga nang mapansin ng isang tricycle driver na pumapasada ang biktima na nakahandusay sa gilid ng palayan.
- Latest
