Mag-utol na bibili ng motor inutas
NORTH COTABATO, Philippines — Kapwa bumulagta ang magkapatid na bibili lang sana ng motorsiklo matapos na hinihinalang holdapin at pagbabarilin ng ‘di pa nakilalang gunman sa Pikit sa lalawigang ito nitong Sabado ng hapon.
Kinilala ng pulisya ang mga biktima na sina Haizon Lauban Wahab at Bai Puti Lauban Wahab nasa tamang edad at residente ng Poblacion Dalican sa bayan ng Datu Odin Sinsuat, Maguindanao.
Sinasabing bibili lang ng motorsiklo ang magkapatid na noon ay sakay ng MIO motorcycle nang sila ay pagbabarilin sa hangganan ng Brgy. Inug-ug at Poblacion sa bayan ng Pikit, ala-1:40 ng hapon.
Naniniwala ang pamilya ng mga biktima na “robbery” ang motibo sa krimen pero patuloy pa ang isinasagawang imbestigasyon ng mga awtoridad sa insidente.
- Latest