3 pulis, 4 kawani ng Kapitolyo ng Pangasinan tinamaan ng COVID-19
TUGUEGARAO CITY, Cagayan , Philippines — Tatlong pulis at apat na kawani ng Pangasinan Provincial Capitol ang nagpositibo sa COVID-19 kahapon.
Kabilang sa mga nagpositibo sa pagsusuri kasunod ng isinagawang mass testing sa Kapitolyo na nagsimula noong Lunes ay tig-isang kawani mula sa Provincial Governor’s Office, Planning and Development Office, Human Resource Management Office, General Services Office at tatlong pulis na nakatalaga sa Urduja House.
Sa kabila nito, nakahinga nang maluwag si Governor Amado Espino III matapos malamang negatibo siya sa COVID-19 test subalit ipagpapatuloy umano niya ang naumpisahang dalawang linggong quarantine.
Sinabi ni Espino na tuloy lang ang trabaho sa Kapitolyo habang isinasagawa ng Provincial Health Office ang disinfection ng gusali bagama’t 50 porsiyentong skeletal workforce lamang ang kailangang pumasok.
- Latest
