Bunkhouse nasunog: 4 obrero sugatan

MANILA, Philippines — Apat na obrero ang nasugatan makaraang tupukin ng apoy ang kanilang bunkhouse sa Brgy. Tisa, Cebu City nitong Biyernes ng gabi.

Kinilala ang mga nasugatan na sina Regner Gastillana, Romnick Cempron , Felix Ojeda at Juani Macalua; pawang nagtamo ng 2nd degree burns sa kanilang mga braso at nilalapatan na ng lunas sa ospital.

Sa ulat ng Cebu City Fire Department, alas-10:30 ng gabi habang mahimbing na natutulog ang mga biktima sa bunkhouse nang magsimulang kumalat sa Sta. Teresita Village, Brgy. Tisa.

Mabilis na nagresponde ang mga bumbero at naapula ang sunog pagkalipas lamang ng 11 minuto na pinaniniwalaan sanhi ng electric overload.